وعرفت قيمتك لما بعدت ورجعت بعد فراق
جربت اعيش من غير هواك وادي النهاية
انا بعد منك تهت وضيعت انا ضيعت من الاشواق
وانت كمان ضيعت وبجد حرام كفاية
احساس بيك ياحبيبي مهما تكون في حضني
زي اللي اول مرة بيحس بأمان
خليك معايا انا مش حاسيبك مرة تانية مهما كان
خليك معايا انا مش حاكرر غلطتيتي وياك زمان
جربت اعيش من غير هواك وادي النهاية
انا بعد منك تهت وضيعت انا ضيعت من الاشواق
وانت كمان ضيعت وبجد حرام كفاية
احساس بيك ياحبيبي مهما تكون في حضني
زي اللي اول مرة بيحس بأمان
خليك معايا انا مش حاسيبك مرة تانية مهما كان
خليك معايا انا مش حاكرر غلطتيتي وياك زمان
3 comments:
ريمو، والله أنا عايز أقولك إن البنوتة اللي الحمد لله خطبتها كانت أول حب ليا :)
حاجة كده من اللي فيها اول كل حاجة، اول مرة مسكت ايد بنت، اول مرة خرجت مع بنت، اول اول اول كل حاجة... مش عشان انا كنت واد منطوي بقي وكده أكيد لأ :)
الفكرة اني كنت ناوي ان اول واحدة احبها هي اللي أكمل معاها حياتي... بس أول ما حبيتها وبعد كام شهر.. إختلفنا !! واتدهورت الظروف وكل واحد راح لحاله ..!!
مشيت وبعدت وروحت أماكن جديدة وغيرت حياتي وراحت الأيام وجات وحبيت تاني !! أو أقنعت نفسي اني حبيت تاني وحاولت اعيش واندمج في حياتي...
بس عرفت قيمتها لما بعدت عنها ورجعت بعد الفراق.. جربت أعيش من غير هواها ولما بعدت عنها تهت وضيعت واتعاملت بطريقة.. كانت دايما بتفكرني بيها :)
كنت دايماً بأقول لو هي معايا مكانتش قالتلي كده.. مقدرتش ابعد اكتر من 5 سنين احساسي بيها بيزيد وحتي وهي مش موجودة...
بس وجيه يوم وقولت لأ !! انا مليش غيرها وعرفت ساعتها قيمتها.. وروحت خطبتها :) بعد 5 سنين من ضياع كل ما بينا بس واضح انه كان لسه بينا..
لما بعتيلي يا ريما الإغنية دي أنا ابتسمت وانا باسمعها لأني حسيت إني باقولها خليكي معايا انا مش حاسيبك مرة تانية مهما كان خليكي معايا انا مش حاكرر غلطتي وياكي زمان
:) شكرا يا ريمو
قبل اي حاجة انا فعلا فرحانة بكلامك ده اوي
الف الف ميروك يا عز :)
جميل انك ترتبط بأول حب ليك وانك تبعد عنه وبرغم البعد الطويل تفضل تفكر فيها وترجع لها تاني
عارف حتلاقي حبك ليها زايد عن الاول
انا لما سمعت الاغنية دي بجد دمعت وضحكتك وحسيت كده بكذا حاجة مرة
واحدة كل حرف فيها هزني
حسيت بيها اوي
عارف لما تنزل حاتكسر الدنيا انا متأكدة من ده اصلا كتير مننا مر بحاجة زي دي
بعدك عن اللي بتحبه بيحسسك بيه اكتر وبتعرف قيمته في البعد
ربنا مايبعد حد عن اللي بيحبه ابدا
الف مبروك تاني مرة ياصديقي العزيز وربنا يسعدك ان شالله :)
ريما
السحر في الكلام بيبان لما يتكتب تاني ويتنطق تاني
ويتسمع تاني وتالت و رابع
الإحساس غاية بديعة
ديما بندور عليها
انتي مدهشة
Post a Comment