سوناتا

وبعد الكثير من المحاولات المتكررة والفاشلة
وتلك الكلمات التي رسمت بها لوحاتي الغير كاملة
اعيد تلوين حروفها ورسم افكارها
ومع الخيوط الحريرية لهذه السوناتا الدافئة
...اعود لأكتب لك
هل تتنازل ولو للحظات كي ارى
من حولي دون ان ارى وجهك ؟..

وتسمح لهذا الجمال الاستثنائي
بأن يكون اقل جمالا من الاخرين
فااناعاجزة ان ارى ما هو اجمل منك
كل ماهوحولي اجد لا وجود له
ويختفي جمال كل ماهو جميل
عندها اعرف ان وجودك معي
وجودك فقط
يعيد لي شعوري بالأشياء
ويجعل كل ما في كوني جميل

عن هروب الفراشات 2

تذكرت مرارة هذا اللقاء

لم تكن تعلم اتها ستكون النهاية

او ربما نهاية البداية

تذكرت عندما راي دموعها تتساقط امامه

ولمعه عينيه فرحة وسعادة

يالها من سعادة كسعادة المنتصر بفريسته

يراها تتألم امامه كلما تألمت زادت سعادته

للأسف احبته

احبته بصدق

احبت تعلقها به

احبت ضعفها معه

حتى دموعها التي كانت مصدر سعادته

حتى الحماقات التي كانت تسعده
قمت بدورك المقنع ياصديقي

يامن اسميته يوم من الايام ..حبيبي

يامن كان متوج ملكا في قلب

اقتحمته.. امتلكته
لكنك انت الذي قررت قتله

........

مادام احلي ورده بتموت
والطير شو ماعلى بيموت...

بس هو بيحب مين؟؟

...مزيكا تكنو صوتها عالي و ناس كتير بتضحك ودوشة..ورغم الاضاءة المزعجة

لفت نظرها وبصت عليه

قربت اكتر وسرحت فيه

سرحت وحلمت تروح ليه

حلمت تعيش معاه او حتى من حواليه

حتى لو مش هايحس بيها كفاية احساسها ليه

وقالت لنفسها "هو جميل كده ليه"؟

صحيت على همس ليها بيقول

كلنا بنحب القمر والقمر بيحب مين"؟"

ضحكت وخطفت نظرة سريعة ورجعت تسرح في القمر من تاني

نسيت شكل صاحب الكلام لكنها افتكرت كلامه

وكل ماتشوف القمر تفتكر ..."كلنا بنحب القمر بس القمر بيحب مين"؟

..بيت العز يابيتنا

....الجميل في الموضوع كله انه حصل في ساعتها

ايه رايك ياريم -

اه الفكرة تجنن -

طيب ايه ..نسجل دلوقتي يلا -

اوك يلا -

كان يوم غريب اوي زي ماقال لي عز بس لأن كان فيه كذا لخبطة و... و.. ولكن رغم ده سجلنا برده الحلقة وفعلا عملنا حلقة مع ريما وصاحب بيت العز اسمعوها وقولوا رايكم ايه وكل مدون ومدونة هايكونوا ضيوف في البرنامج ولغاية الوقت ده اوعوا تبطلوا تدوين لغاية الاربعاء الجاي مع برنامجكم مدونة على الهواء

:))

... في مدونة على الهواء

جارة القمر تستضيف صاحب بيت العز

:) مدونتي على الهواء

لقاء في البرنامج الجامد مدونة على الهواء في اذاعة حريتنا ...

البرنامج من تقديم

محمد عزالدين وفكرته جميلة وجديدة

عن عالم التدوين والمدونات وحوار مع صاحب المدونة

جارة القمر في مدونة على الهواء

T a G zzz

كوليكشن تاج من عند بيسوو
وتاج من احمد

التاج ده مبدائيا عمللي لخبطة حسيت انه مترجم من الصينية ماعلينا يا مفاجئاتك يابيسووووو

دائما ما تطالب المرأة بالحصول على حريتها . فما مفهوم الحرية في قاموس المرأة؟

في الاول انا مش بحب الشعارات ولا الكلام اللي فيها فلسفة كدابة
لكن حاقولك رايي من وجهة نظري الحرية للمرأة هي مسؤولية بمعنى المرأة اللي بتطالب بحريتها بتكون مسؤولة اكتر وعليها سبوت او العيون بتكون عليها وعلى تصرفاتها
اكتر من المرأة السلبية اللي راضية بالأمر الواقع واهي عيشة والسلام طبعا ده ماينفعش
وحرية المرأة هي حريتها في قرارتها في حياتها وفي اختيارتها من غير مايتدخل حد في اصلاحها او تعديلها

متى احسست بنفسك "خائنة"؟
مش خاينة بمعنى الخيانة لاني الحمدلله عمري ماخنت ولا افكر اخون حد
لكن اقدر اقول لما بحس اني مجاملة زيادة عن اللزوم بتخنق من الاحساس ده
اني اجامل حد وانا عارفة انه انسان مش كويس او انا مش بحب الشخص ده
واضطر اضحك في وشه او حتى اقوله ازيك يمكن اكتر مرة اتخنقت وحسيت كده كتبت فيها وقلت عن الموضوع ده

إذا خذلك لعديد من المرات، هل ستستمرين معه في علاقة مستقرة؟؟
لا طبعا خذلني حتى دي كلمة جامدة اوي
:) اتمنى انه مايحصلش كده ولا مرة والا هايشوف الوش التاني
....واكيد مش حاتكون علاقة مستقرة

سؤال بالعربية الفصحى الى العربية الفصحى، أيعقل أن تكون هيفا وهبي المرأة العربية
من المحيط إلى الخليج، ماذا يمكن أن تفعلن لتغيير هذه الصورة، و كيف بامكاننا أن نساعدكن؟
طيب ...مبدائيا انا بحب جمال هيفا لكن صعب تاخد اللقب ده لانه بيظلم ناس كتير عملوا حاجات اعتقد لها قيمة اكتر من اللي هيفا بتعمله وبالنسبة لتغيير الصورة اتمنى ان النظرة للمرأة تتغير عن كونها شكل جميل او بتشبه هيفا ولا نانسي
اكيد لا.. لازم نشوف بتفكر ازاي وعايزة ايه؟؟ حقوقها ايه .؟؟؟ زي ما الراجل بيطالب بواجبتها عليه انه يحقق حقوقها

إذا عجبك شاب وما بادلك الاعجاب، شو بتعملي؟
...!!! ولا اي حاجة

مرشد بيقول انو البنت بترغب الشاب طالما انو بشكّل تحدي لها، شو رأيك؟
انا مش موافقة اكيد على الرأي ده اساس الحب التفاهم وانه يفهمنى من نظرة عيني يبقى اذا يكون تحدي ليا
كده مفيش رومانسية خالص اللي هي كريمة الحب

هيفاء وهبي، شادية، وفاتن حمامة: مع من تتماهين أكثر؟ (بصراحة ومن دون مثاليات)؟
اتماهن ازاي يعني..:) ماعلينا.. والله انا بحب جمال هيفا وشخصية فاتن حمامة تفكيرها يمكن حزنها بعض الاوقات بحب دلع شادية وبرائتها كل واحدة فيها حاجة مميزة
ممكن يطلع كوليكشن حلو منهم :))

انتقي شخصية رجالية معروفة تتمتع بالكاريزما (برأيك) وتكلمي عنها
جيفارا...في رايي اكتر مناضل عنده كاريزما لغاية الوقت ده بيحاولوا يعرفوا سر حب الشباب ليه هو بالذات من بين باقي المناضلين كمان بشوف ان رشدي اباظة على المستوى الفني عنده كاريزما جبارة ومفيش حد بعده اثبت حضور او جاذبية زيه مش كده ولا ايه؟؟

ونصيحةأو تعليق أرجو نشره: لما تبلشي تحكي لصاحبك عن أسماء ولادك المفترضة
(لأنن بعد ما إجو وأصلاً بعد ما انفتحت سيرة زواج، إلا إذا حاطة براسك الأمومة العازبة)
تأكدي إنو صادر قدامك إيام صعبة قريبة جايي
ياااااااربي ليه كده بس صعبة:(
:)) انا بحب الاطفال بس كمان مع تنظيم الاسرةlol


لماذا تنفخ المرأة في كل الزبادي كلما لسعتها الشوربة؟
طيش شباب :)) ..يمكن لأن المرأة عاطفية اكتر وده بيوقعها في مشاكل كتير.. احم احم

ما هو أسوأ موعد غرامي مر بك؟ وما هو أكثر جزء ضايقك في هذا الموعد؟
لسه ويارب مايجي اسواء موعد خالص

هل يستحق الرجل التضحية بكل شيء من اجله والبدء معه بحياة جديدة تبدأين فيها من الصفر؟؟
.مش اي رجل طبعا "هو" وبس اكيد

.......................................................................................
...................

:)) ...تاج طيب من احمد
تكلم عن هواية لما بتمارسها
بتستغرق فيها تماماً وتنفصل عن عالم الواقع
لفترة من الوقت أثناء ممارستها؟؟؟

اكتر حاجة لما اسمع فيروز
ولما اقرى كتاب جميل وخصوصا احلام مستغانمي يمكن دول اكتر حاجات

حوار

وبعد صمت طويل قال لي :

لا تجعليني اخبرك عن ذكرياتي
اسماء ..حروف...ربما.. اشباه كلمات
كلمات كتبتها في دفتر حياتي
اريد ان انساه.. بل نسيتها.. ونسيت معها كل هفواتي
...القيتها وسط زحام اوراقي ونسيت مابها من كلمات

...: يصمت...وكالطفل الوديع يقول

,,احب فلسفة حياتي

اتجرد من كل مامضي بها
واعشق كل ماهو اتي
سامحيني فلم تعد لي ذكريات.....
فقط معها ابداء ذكرياتي
و سأصفها بحروف وكلمات
ربما تعجز عن وصف حالاتي
ولكنها ستكون اجمل ذكرياتي
هي من علمتني ان يكون لجمع الحروف معنى
ان يكون للكلمات سحر موسيقى وصوت اغاني

معها ستكون لي ذكريات

معها فقط سأعرف ذكرياتي.....

واحد كابتشينو

ليه دايما لما بتحب تشرب حاجة مش بتحس انها كاملة الا لما بتكون مع حد بتحبه ؟؟؟

:تحديث

لأحلى كابتشينو يفضل اتباع الاتي

كوباية لبن

ملعقة نسكافيه

"حلوة ملعقة دي مش كده"

ربع كوباية مية مغلية

سكر حسب مابتحب

شوكولا بودر او فانيليا او قرفة

نخلط السكر والنسكافيه والمية مع بعض

نغلي اللبن وبعدين تختار المج اللي تحب تشرب فيه

:)" طبعا يعني"

وتصب فيه اللبن ونضيف عليه النسكافيه والسكر اللي خلطناهم ببعض

بس نضيفهم تدريجي عشان الفوم ع الوش يفضل موجود

ونضيف على الوش الشوكولا او القرفة بتكون احلى

ماتنسوش تشربوه مع حد بتحبوه طعمه بيكون احلى بكتير حتى لو من غير سكر :)

قناع

رغم قهوتي التى ترافقني طوال ساعات يومي ,رغم يوم العمل الطويل والمليل اهرب للنوم.. اجمع كل الوسادات الصغيرة والكبيرة واضعها حولي لا انسي ان اضع بجانبي الموبايل مع اني قررت الا ارد على اي مكالمة النوم هو ملجئي دوما كل ما تواجهني تلك الافكار المتلاحقة ...
هذا التفكير المستمر الذي اكون عاجزةامامه ..عاجزة في ايقافه ولو للحظات كم هو قاسي الشعور في انك غير قادر عن التحكم في نفسك عن التحكم في عقلك افكارك مشاعرك كل مابداخلك هو ملك لك ولكنك غير قادر في التحكم فيه رغم كل مايتوافر من عوامل في النوم العميق في تلك اللحظات.... استمر في فتح عيني واغماضها بين الحين والاخر وكأن سأرى شئ او كأني انتظر شئ ما

قلق او ارق ربما كلاهما مجتمعان بداخلي كل مااعرفه اني كنت صادقة مع نفسي
لم احاول ان اخدع لم ازيف مشاعري طبيعية ربما.. تلقائية لا اعرف؟؟
كل ما اعرفه انني لم اتغير.. فقط مللت من تلك المجاملات
لم احاول ان اخدع او ارتدي قناع للتمثيل ,لم اكره ولكني لم احب.. اعترف اني عاجزة في اجبار مشاعري ان تشعر بما لا تشعر به لم اعتاد القسوة ولكني الان قاسية مع نفسي اولا.. واتحمل مالاطاقة لي به ....هل كنت مخطئة في حكمي وكنت فعلا قاسية ؟ هل كان عليا ان ازيف ما اشعر به؟ ..وهل كانت مشاعري الزائفة هي ماترضي وتجعل الحياة اكثر اشراقا؟ كيف سيكون ذلك سبب سعادتي واسعاد غيري؟
كيف تكون مشاعرك الزائفة سبب في ابتسامة الاخر لك؟ كيف يكون حبك الوهمي سبب في حبه لك ؟ وهل دون ذلك يكون رده الفراق والجفاء؟؟ تلك هي نظرتي ............ربما كانت نظرتي هي غلطتي ؟؟........لا اعرف

صباح الورد

من فترة كبيرة ماروحتش واشتريت ورد من اجمل الاوقات عندي لما اروح واجمع الورد بنفسي واختار الوانه مع بعض بجد متعة جميلة جدا لما تجمع صحبة ورد على ذوقك والوانها على مزاجك مش مهم الالوان تكون متناسقة مع بعض فعلا

انا بحب اوي لما الاقي الوان كتيركده في صحبة الورد فعلا بحس بجمال كل لون لما بشوفوه في اي وردة او زهرة جميلة والالوان كلها متجمعه مع بعض على طبيعتها مش متزوقة ولا مترتبة بحس انها طبيعية واحلى واجمل بكتير
ودايما بقول لو عايز تحس بجمال الالون حتلاقيها في الورد

الفكرة فعلا بتزن في دماغي بقالها كتير حبيت استغل يوم الاجازة وانزل اتمشى مع وجود امل كبير اني اشترى الورد
و الكورنيش مليان مشاتل يعني مفيش حجة تانية بعد قهوة الصباح الدوبل وفى روح رياضية بحتة نزلت الصبح بدري اول حاجة رحت اجيبها كان الورد
المرة دي لفت نظري اني مهتمتش اني اجمع الوان كتير هو لون واحد بس

لاقيت اني بجمع الورد الاحمر شكله جميل اول مرة احس ان لون واحد ممكن يحسسك بكل الالوان وتاخد منه كل الاحاسيس دي

حب ,كره ,غيرة , طاقة , عنف , جمال , ضعف ,قوة ....ده فعلا اللي حسيت بيه اول ماشفت منظره مجمع مع بعض
وده مش تعصب للون الاحمر بما اني من عشاقه لكن لان اول مرة احس بيه بالشكل ده

اكتفيت بعدد قليل مش كتير ومجرد اني اجمعهم مع بعض واحس كانهم وردة حمرة كبيرة كنت فعلا سعيدة بمنظرهم

وشكلهم الجميل بعد ماحطيته في فاز صغيرة بصيت لهم من بعيد كده وقلت لنفسي
!!....ياااااه بس لو الورد مايدبلش

حاتشوفوا كلامي صح ولا غلط؟

دي كانت بالليل
:)"اكتر واحدة حبيتها"

وحدن بيبقوا..!!

لو قلت ان كل الاغاني اللي بحبها بتفكرني بحاجة معينة حاكون مش ببالغ عموما بحب الموسيقى وبسمع لاي حد احس بكلامه
ساعات اسمع كلام الاغنية واحبها قبل مااسمعها واوقات كتيرفي اغاني مش احبها من اول مرة بس بعد فترة احبها
لدرجة مش معقولة ..واوقات اكتر اقع في غرام الاغنية من اول نغمه فيها بعترف اني متعصبة جدا لعدد من الاغاني والمطربين ومتعصبة بغباوة لفيروز تعصب لدرجة كبيرة ومش عارفة السبب

من فترة سالت مرة صديقي عز احنا ممكن نسمع اغاني ونعيط فيها حتى لو مش كنا بنمر بالتجربة بتاعتها لاقيت هو كمان عنده اغاني بيحس فيها الاحساس ده وسالت معظم صحابي نفس السؤال وكانت الاغاني كلها فعلا تدعو للكأبه يعني قايمين بالواجب وزيادةانا شخصيا بالنسبة للاغاني مش بحب الاغاني الدوشة الا قليلا.... صحيح بيكون حسب الموود يعني بس في المجمل بميل للكلاسيكية واللي فعلا غريب ومش كتير بيفهموه عني اني مش بحب الاغاني اللي فيها حب كتير او الكلام اللي بقى محفوظ ده حلم حياتي/بقالي سنين وليالي/ قلبي وعيني والكلام الاكلشيهات ده.. فعلا بزهق منه وبحس انه ممل..؟؟

في الحقيقة اللي خلاني اكتب البوست ده الاغنيةاللي في الخلفية دي ..وحدن بيبقوا

مش حاقدر اوصف كمية المناديل المصاحبة مع سماع الاغنية دي وكل مرة بنجاح ساحق

يا زمان من عمر فيي العشب عالحيطان من قبل ما صار الشجر عالي

دايما لما اسمعها بفتكر ناس بعدت عني يمكن بسبب الظروف اللي غصب عني وعنهم وبخاف اكتر اني ابعد عن الناس اللي بحبها لأي سبب كان ....احساس بيوجع بجد ..بفتكر صحابي اللي بحبهم والايام فرقت بينا وقد ايه نفسي نرجع نشوف بعض كل يوم
وقد ايه كنا عيال مخها صغيراووووووووووي لما نزعل من بعض على حاجات تافهة وملهاش لازمة
كفاية كده لان دلوقتي في سيول والمناديل حاتطلع

الاسبوع اللي فات لما كنت مع دينا صديقة عزيزة ليا وكانت فاتحة سي دي عليه اغاني فيروز شغلته مخصوص لانها عارفاني اني بحبها وفجاءة لاقيت التراك التاني الاغنية دي قلت لها ياااااااااااه يادينا طبعا

هي افتكرت بقى انها زويقة وجابتللي الاغاني اللي على مزاجي الحقيقة هي فعلا ماغلطتش اوي بس الوضع اللي احنا فيه مش وقته خالص للاغاني دي
كنا في الاشارة ولاقيت العربية اللي جنبنا في واحد فضولي عمال يبص علينا
( كعادة معظم الناس وانت واقف في الاشارة تلاقي اللي جنبك بيبص عليك)
مش فاهمة ليه ؟؟؟؟؟؟؟ التفتت دينا ليا لاقيتني على اخري
" متشحتفة"
مع الاغنية بس بعد كده لاقيت نفسي بعيط وبضحك في نفس الوقت
على منظر دينا وهي مفزوعة وبتقولي مالك يابنتي
ايه اللي حصل في ايه؟..وانا مش قادرة اتكلم قفلت السي دي وقلت لها منك لله
وكان ينطبق عليها قول خيرا تعمل شرا تلقى ودي في الحقيقة الجملة اللي قالتها دينا
معلش جت فيكي يا دينا المرة دي :)

Nothing's gonna change my love for you

If I had to live my life without you near me

The days would all be empty The nights would seem so long

With you I see forever oh so clearly

I might have been in love before

But it never felt this strong Our dreams are young

And we both know they'll take us Where we want to go
Hold me now

Touch me now

I don't want to live without you
Nothing's gonna change my love for you

You ought know by now how much I love you

One thing you can be sure of

I'll never ask for more than your love
Nothing's gonna change my love for you

You ought know by now how much I love you

The world may change my whole life

through But nothing's gonna change my love for you
If the road ahead is not so easy,

Our love will lead the way for us Like a guiding star

I'll be there for you if you should need me

You don't have to change a thing

I love you just the way you are

So come with me and share the view

I'll help you see forever too

خليك معايا

وعرفت قيمتك لما بعدت ورجعت بعد فراق
جربت اعيش من غير هواك وادي النهاية
انا بعد منك تهت وضيعت انا ضيعت من الاشواق
وانت كمان ضيعت وبجد حرام كفاية
احساس بيك ياحبيبي مهما تكون في حضني
زي اللي اول مرة بيحس بأمان
خليك معايا انا مش حاسيبك مرة تانية مهما كان
خليك معايا انا مش حاكرر غلطتيتي وياك زمان

علمتهم الادب

اثناء قرائتي الصباحية للأخبار في الجرايد والمواقع اللي بتابعها

وقفت عند خبر في موقع في البلد

وهو الخبر ده اختفاء المخدرات والسرقات في المعادي بسبب السفاح

لا مش بس كده جوه الخبر كمان ان حوادث السرقة للشقق اختفت

والبلطجية هربوا وحسوا على دمهم وربنا هدهم وان شالله يهديهم

كده على ايدين استاذ سفاح

الاهم من كل ده بقى هو ان المعاكسات للبنات اختفت

وده لأن الشباب خايف من التواجد الامني المكثف في الشوارع

وطبعا مش حايروح في داهية عشان يعاكس واحدة هو اساسا مش

شايف شكلها ايه بس بيعاكس وخلاص!! اه والله بيحبوا يثبتوا وجودهم وخلاص

مع اصحابهم بقى وقدام المدارس ومحطات المترو ربنا هداهم الحمدلله وكله بقى مؤدب

وعينيه في الارض من البيت للشغل ومن الشغل للبيت ايه الجمال ده

ضحكت في سري وقلت ياسلااااااام ايه ده والله الادب حلو

طيب احنا عايزين واحد سفاح في المنيل ضروري

وواحد سفاح في المهندسين وبالمرة الدقي عشان بروح هناك كتير

والزمالك وجسر السويس عشان اعرف اروح لبنت خالتي براحتي

ياسلام يعني هو السفاح بيعلم الادب مفيش معاكسات مفيش مخدرات

ومفيش سرقة والناس اتعلمت الادب

والامن بقى مكثف ويقظ وشايف شغله كويس اوي

والحياة بقيت وردي ينقصها القبض على السفاح ...طيب

شكرا لعمو السفاح علمتهم الادب والله بس انت كمان زودتها شوية وطولت فيها

وحسيت في مرة ان انت عامل زي الكونت دي مونت كريستو

كده يعني ماحدش عارفلك شكل ومش عارفين يقبضوا عليك

فا احنا بنشكرك والله على انك علمتهم الادب وكفاية بقى لحد كده

لانك مزودها شويتين وكفاية الرعب اللي انت عامله للناس ده

ولو اني خايفة من التطويل ده والناس تتعود بقى ويبقى عادي

اصل الموضوع حيتناقش في مجلس الشعب وجلسات بقى واعترضات

مش عارفة احنا لسه حناقش وحانعترض ونشجب ولا ايه

وبعدين مادام التواجد الامني مكثف ماتنجزوا وتقبضوا عليه مش كده يعني

:) زودتها ياسفاح

عندي ثقة فيك

عندي ثقة فيك ..عندي أمل فيك ..و بيكفّي

شو بدك يعني أكتر بعد فيك؟

عندي حلم فيك ..عندي ولع فيك ..و بيكفّي

شو بدك إنه يعني موت فيك؟

والله راح موت فيك ..صدّق اذا فيك ..و بيكفي

شو بدك مني اذا متت فيك؟معقول في أكتر ؟

أنا ما عندي أكتركل الجمل يعني عم تنتهي فيك؟

عندي ثقة فيك و بيكفي

حبيتك متل ما حدا حب ولا بيوم راح بيحب

و انت شايفها عادية و مش بهالأهمية

جرب ما تفهم شو علّقني بس فيك

بكتب شعر فيك ..بكتب نثر فيك ..و بيكفّي

شو ممكن أكتب بعد فيك !؟

تحكيني متل طفل صغير و هاملني كتير

لو شي مرة صبحية ..تفكر تتصل فيّ

قل لي شو ياللي بيعلقني بس فيك ؟

فيروز

لم يحدث أن نسيتُ

كلّ يوم·· منذ أيام

كلّ يوم أستيقظ وأقول

"سأنساك اليوم أيضاً"

كل يوم منذ أيام

لم يحدث أن نسيتُ

أن أنساك


أعذُرُهنّ

وفاؤك يزيد من خسارات النساء

بريء الأذى

ما التقتك أنثى

إلاّ وَدَعَتْ في سرّها عليك

لأنّك من دون قصد

كنتَ ما تمنّته

ولن يكون يوماً لها

لا تقل لامرأة إنّي مَن تحب

عزلاء أنا·· أمام إناث الكيد

احلام مستغانمي

I SAW HIM AGAIN!!

OMG i can't believe my self after all these years, i saw him again.. again..Incredible!
it was at 8 AM, i was waiting to take a taxi ,and hell late as usual and suddenly i saw him ..he was driving his yellow car as i used to see him in those years..

Honestly I was trying to convince myself that this is happening in real life and am not still dreaming under my quilt ... don't know how describe exactly my feeling now but you can say happy and wanna hell cry ... I hate this kind of emotional burden and really i couldn't write anymore Alright, enough with this post... but leave it with a related song to my words ..and yes i cry every time I hear this song
bye for now..

وجع

...يوم اخر شديد البرودة

تقوم بعمل اشياء كثيرة تشغلها تفاصيل صغيرة
لعلها تبعدها عن ما يؤرقها
ورغم قرارها الحاسم بعدم التفكير فيه

تظهر ملامحه امامها الان
ورغم انه يوم عمل طويل ارهقت فيه نفسها
و تعمدت فيه الا تذكره
ولكن في هذه اللحظة
تستعيد صورته في خيالها
وتري تفاصيل وجهه امامها
مرة اخرىتقف عاجزة عن التوقف في التفكير فيه
وكأن العقل والقلب يتواطأن ليجدوا
مبررا في التفكير فيه
فمجرد تفكيرها في نسيانه يذكرها به
وكيف تنساه وهي ترى وجه في كل وجه
وتسمع صوته في كل صوت
تشعر في هذه اللحظة بعمق احتياجها له
...ووجع قلبها في طول بعده وغيابها عنه

تذكر عندما قرأت هذه الكلمات ذات يوم وتعجبت منها

نحن لا نشفى من ذاكرتنا.. ولهذا نحن نرسم..
ولهذا نحن نكتب.. ولهذا يموت بعضنا أيضاً

كانت تعتقد انه لايمكن ان نكتب عن مايؤلمنا حتى نشفى منه
ولانبوح بجروحنا حتى تصبح ذكرى ماضية
وهاهي اليوم تريد ان تكتب ولكن تبحث عن كلمات

تكتب قصتها معه ولا تجد لا تعرف لماذا اصبحت

!الحروف معادلات ورموز صعبة لا تجد لها معنى

ولماذا تحولت الاوراق الي مساحات واسعه تتغرب فيها ولا تعرف لها نهاية

ويتحول بياضها الي الرمادي كالغيوم في السماء الصافية

اماني .." باللون النور ضحكتها..تلون قلب الكون سبع الوان "

من يومين جاتلي مكالمة كانت مفاجاءة بالنسبة لي
صوت بنوتة صغيرة
انا اماني ياميس ريم وحشتيني....
كانت الكلمتين دول كفايه عليا ان دموعي تنزل غصب عني واضحك ضحكة طفوليه طلعت مني ...اماني وحشتييييينني

كنت في الكلية وكان عندي فترة تدريب عملي ولأني اعلام واعلام تربوي كنا بنروح زي

مابنروح تدريب صحافة كنا بنروح مدارس وغالبا ابتدائي
ولاننا في مدارسنا الحكومية العظيمة المهام عندها اكبر من ذلك وبتعتبر ده رفاهية وحاجة مالهاش لازمة كنا بنروح مدارس تجريبية او خاصة
كنت فاكرة انها حاتكون من اسوء فترات حياتي في الكلية وده لأني اول مارحنا كنت بارجع اخد 2 بانادول وانام لتاني يوم وارجع اعيط لصحابي واقولهم انا خلاااااص
العيال حايجننوووووووووووووووني
وده لانهم اشقيا اوي بالذات الولاد
لكن اللي حصل اني قابلت حب كبير منهم على قد شقاوتهم دي اللي جننتني
وبالرغم من الريفو والبانادول وكل ادوية الصداع اللي اخدتاه

وحب البنات ليا بالذات
كانت المدرسات بيضيقوا من منظر البنات حواليا ساعة مايشوفوني

ويجروا يحضنوني وانا مش عارفة اتحرك منهم
وبعدين تطلع المشرفة ..مش معقول كده ياميس

- طبعا انا كنت بتعفرت ساعتها من كلمة "ميس" دي -

!! البنات في الكوريدور عاملين دوشة المفروض تدخليهم الكلاس
اماني بقى دي ملاك قمر صغير بنوتة زي العسل ضحكتها جنة..
كانت بتحبني اوي وانا بموت فيها
من اول مرة شفتها حسيت اني اتعلقت بيها
وكنت بستنى كل يوم الباص علشان تركبه وتروح واروح انا بعد ما اكون اطمنت عليها...
اخر يوم ليا هناك.. كانت ماسكة في الجاكيت

والشنطة بتاعتي وكأنها مش هاتخليني امشي بالطريقة دي
واستنيت الحصة الاخيرة وبسرعه جريت روحت قبل ماتاخد بالها اني مشيت
حكوا لي صحابي على اللي عملته بعد كده لدرجة ان صحابي زعلوا مني
اني زعلتها اوي كده ...وواحده منهم قالتلي "بجد ماكنتش عارفة ايه المعجزة اللي ممكن تخليها تسكت من العياط"
فضلت سنة بحالها واحشاني قلت لنفسي اكيد بيبي وبكره تنسى ...

بعد مكالمتها جريت دورت على الصور اللي صورتها ليها اخر يوم قبل
ماامشى وازي كانت مكشرة ومش عايزة تضحك
بالرغم اني قلت لها انا واخدة اجازة
لكنها كانت عارفة اني مش هارجع اجي كل يوم تلات الصبح تاني
ولاقيت الجواب اللي كتبته ليا واللي حطيت صورته
طبعا مش قادرة اقول على الكلام الجميل والبريء منها بالرغم من
غلطاتها الاملائية واللي من غيرها مش هايكون ليه نفس الجمال ده
مكالمتها ليا فجأتني.. وابكتني غيابي عنها سنة ماغيرش حبها ليا

حب "اماني " وغيرها من البنات اللي كانوا بيجيبوا ليا هدايا في الوقت اللي المفروض انا اللي اجيب فيه
الحب ده بدون مقابل حب بجد صافي وحقيقي احساس مش عارفة اوصفه
بالرغم من اني قبل الفترة دي كانوا الاطفال بالنسبة لي (عادي ) يعني ومش بهتم اني العب معاهم او اعاكسهم
لكن بعد كده حسيت بحاجة مختلفة وحركوا فيا حاجات كتير
حب الاطفال نعمة من عند ربنا يارب الكل يحس بيها
والي هيحس بيها بس هو اللي هايفهم كلامي

ول "اماني " بجد نفسي اشوفك مرة تانية والعب معاكي زي ماكنا بنلعب مع بعض
وتغني تاني واغنى معاكي ونلون الوان كتير زي ماكنتي بتحبي الالوان الي بحبها انا كمان..اضحك وتضحكي الاقي ضحكة باللون النور .. تلون قلب الكون سبع الوان
:)..

وخلصت حكاوي القهاوي

رحيل سامية الاتربي اثر فيا اوي باعترف اني ماكنتش بتابع برامجها بشكل دائم بس كنت يوم مااشوفها احس بحالة غريبة
....الانسانة دي كان ليها ابتسامة جميلة اوي وصوت دافي واسلوب عفوي لكن صعب
ينطبق عليه مقولة السهل الممتنع
فاكرة زمان كان برنامج حكاوي القهاوي بيجي في رمضان بعد الفطار على القناة التانية وكنت بحب اشوفها لسبب واحد كانت الجلابيات المطرزة اللي دايما تلبسها بتعجبني اوي وكنت صغيرة وبقول لماما انا عايزة زي اللي لابساه لما كبرت وابتديت احب اشوف البرنامج اكتر مااشوف اللي بتلبسه كان بيشدني اسلوبها الجميل والهادي قدرتها على التواصل مع المسنين واللي يعتبروا شافوا تارخ مصر والناس الامية والفلاحين ومع ناس بسيطة اوي زي ماقابلت شخصيات تعليمها عالي واغنياء وفقرا وناس كتير عايشة بينا مش بنحس بيهم

فعلا في حاجات بتبقى بينا وعايشة معانا ومش بنحس بيها ولما بتغيب بنتمنى ترجع لينا تاني

رحم الله سامية الاتربي

ممكن نسرق ساعة ..؟

مين يشرب القهوة معاك الصبح ..؟؟

مين يرغى فـ التليفون معاك للصبح ..؟؟
مين غيرى شايفك جوه ليلك صبح ..؟؟
ممكن نسرق ساعة
و تشرب قهوة معايا ؟؟؟؟

وترة جيتار سكرانة هزت قلبنا
قالت عيونا كل حاجة ..قبلنا
و القهوة بعد الحب ده
من حقـــــنا
ممكن نسرق ساعة
و تشرب قهوة معايا ..؟؟؟
من غيرى أكتر من سيادتك يعرفك ..؟؟
ماتخافش منى أصلى مش ناوية أخطفك ..
كل الحكاية إنى
ساعات ....بستلطفك
طب ممكن نسرق ساعة
و تشرب قهوة معايا بقى .؟؟؟
....
ممكن نسرق ساعة و تشرب قهوة معايا انا؟
.....

كلمات..احمد حداد

وكانت مجرد افكار

تجلس وحيدة في ركنها المفضل في المنزل
تفكر ....احياناً تشعر ان افكارها كثيرة ..و تظل تكثر و تكثر

الى ان تصبح اكثر بكثير من احداث يومها ..تحاول ان تبعد هذه الافكار

....فهي ترهقها
...ولكنها تعود وتفكر
وتحاول ان تجمع باقي الاشياء الي لم تعد تتذكربها ايامها معه
لماذا لاتسرح في ابتسامته اثناء قرائتها لكتابها المفضل؟
لم تعد تشتاق لصوته وهي تسمع صوت اغنيتهم
لم تراه في مرآتهاعندما تنظر اليها
تنسى كتابة اسمه على اوراقها وهي تكتب

جرس الهاتف يقتل صمتها وتشعر كأنه عاصفة رعدية
اجتاحت افكارهافتجد دموعها تتساقط لا تتوقف وكانت مجرد افكار
فمازالت تنسى الكلمات التي قرائتها وتذهب لصورته في خيالها
ومازل صوته يرن في اذنيها وهي تسمع تلك الاغنية
وتراه في مرأتها كل صباح بأبتسامته الحنونة
..واسمه مازال مكتوب على الاوراق بحبر لم يجف بعد

اول صفحة

بالرغم اني بتابع عالم المدونات من فترة طويلة يعني حوالي سنة ونص

لكن كنت كل ماافكر في اني اعمل البلوج بتاعي اتراجع وانسحب بهدوء

بس الفترة الاخيرة زادت الفكرة عليا في الألحاح وعملت المدونة الصغنونة

دي في وقت سريع وماتوقعتش اني اعملها كده على طول على الرغم من تفكيري

فيها من مدة طويلة وبالرغم من وجود وقت فراغ في فترات عدت تقريبا

مش حلاقي نص الوقت ده في الايام دي بس مش عارفة

. فجاءة طقت في دماغي وعملتها.

بس عايزة اقول ملحوظة صغيرة اني هنا بكتب حاجات او افكار ممكن

توصف الموود بتاعي ممكن اكتب عن حاجة حصلتلي مثلا في الشغل

او مع صحابي وممكن جدا اكتب الخواطر بتاعتي بس بتهيألي دي

عايزة وقت افكر امتى لأن الموضوع مش سهل وعلى فكرة مش علشان هي حلوة اوي مثلا

وخايفة عليها لا خالص...... ممكن يكون العكس وخايفه على اللي حايقراها :d

وممكن يتخدع فيها وينقلها بأسمه بالمناسبة حصلت معايا مرة بس كنت بكتب

في منتدى المهم الموضوع اللي اخينا ده نقله هو في الحقيقة مش مؤلفاتي انا لكن

هو كان موضوع عام وانا اخدت فكرته وكتبتها بأسلوبي انا يعني اخدت الفكرة وحورته

وده لان الفكرة مش " اختراع" المهم الكلام عليها ايه؟ وروحك انت تبان في الموضوع

المهم لاقيت الموضوع ده متاخد كوبي وبيست عند حضرته وهو بالمناسبة

كان في المدونة بتاعته..... طيب ايه المانع لو اخدت الفكرة وكتبها بأسلوبه ليه بيقفل دماغه..؟

بجد حاجة غريبة؟؟

المهم بقى علشان الكلام اخدنا ومش عارفة اقول اكتر

من كده اي حاجة ياريت افكاري وكلامي يعجبكم

اسيبكم دلوقتي

.سلاماتي