بالرغم اني بتابع عالم المدونات من فترة طويلة يعني حوالي سنة ونص
لكن كنت كل ماافكر في اني اعمل البلوج بتاعي اتراجع وانسحب بهدوء
بس الفترة الاخيرة زادت الفكرة عليا في الألحاح وعملت المدونة الصغنونة
دي في وقت سريع وماتوقعتش اني اعملها كده على طول على الرغم من تفكيري
فيها من مدة طويلة وبالرغم من وجود وقت فراغ في فترات عدت تقريبا
مش حلاقي نص الوقت ده في الايام دي بس مش عارفة
. فجاءة طقت في دماغي وعملتها.
بس عايزة اقول ملحوظة صغيرة اني هنا بكتب حاجات او افكار ممكن
توصف الموود بتاعي ممكن اكتب عن حاجة حصلتلي مثلا في الشغل
او مع صحابي وممكن جدا اكتب الخواطر بتاعتي بس بتهيألي دي
عايزة وقت افكر امتى لأن الموضوع مش سهل وعلى فكرة مش علشان هي حلوة اوي مثلا
وخايفة عليها لا خالص...... ممكن يكون العكس وخايفه على اللي حايقراها :d
وممكن يتخدع فيها وينقلها بأسمه بالمناسبة حصلت معايا مرة بس كنت بكتب
في منتدى المهم الموضوع اللي اخينا ده نقله هو في الحقيقة مش مؤلفاتي انا لكن
هو كان موضوع عام وانا اخدت فكرته وكتبتها بأسلوبي انا يعني اخدت الفكرة وحورته
وده لان الفكرة مش " اختراع" المهم الكلام عليها ايه؟ وروحك انت تبان في الموضوع
المهم لاقيت الموضوع ده متاخد كوبي وبيست عند حضرته وهو بالمناسبة
كان في المدونة بتاعته..... طيب ايه المانع لو اخدت الفكرة وكتبها بأسلوبه ليه بيقفل دماغه..؟
بجد حاجة غريبة؟؟
المهم بقى علشان الكلام اخدنا ومش عارفة اقول اكتر
من كده اي حاجة ياريت افكاري وكلامي يعجبكم
اسيبكم دلوقتي
.سلاماتي
2 comments:
مبروووووووووك انا كنت عايز اقولك من بدري اعملي مدونة وانجزي بس حكاية ان كلامك ممكن يتنقل دي هي اللي خوفتني ومخلتنيش الح عليكي ..
بس اهو اديكي عملتيها مع نفسك.. شطرة يا ريما ويلا نشوف شغل بقي ... شدي حيلك.
ميرسي ياعز الله يبرك فيك
وعلى فكرة انت اللي شجعتني اكتر اني اعملها من غير ماتاخد بالك :D
ميرسي ياعز وشكرا لتشجيعك ليا
Post a Comment